sábado, 7 de abril de 2012

Steven Paul Jobs



Steven Paul Jobs: heñói San Francisco, California, 24 jasykõi 1955-pe, ojiekuaave Steve Jobs-ramo, ñemukuaahára ha ipu’akapáva Informática reheguápe, avei ñembosaraikuéra estadounidense. Ha’e ambue ñopytyvõme omopyenda ha oisambyhy Apple Inc. ha pirapire hetave omoĩva The Walt Disney Company-pe.
Omopyenda Apple ary 1976-me iñangirũ mitãrusugua ndive, hérava Steve Wozniak, hógape, oñeñongatuhápe mba’yrumỹi. Apple II omoherakuã chupe, ojekuaa opa rupiete, péicha osẽ Time rogue apereguápe ary 1981-me. Upérõ oguereko 26 ary ha hetáma ipirapire, osẽporã haguére bolsa ary ohasava’ekuépe. Oğuahẽ ary 1980 ha hendive ambue compañía ombohovakéva hembiapo ordenadores personales reheguápe, upéva avei ogueru apañuãi hembiapópe. Ha’e he’i oñembopyahuva’erãha: péicha ary 1984-pe onohẽ Macintosh 128K, ojeguereko primer ordenador personal-ramo oipurúva peteĩ interfaz puruhára rehegua (GUI) ha peteĩ ratón línea de comandos myengoviárõ. Apple, ha’e omopyendava’ekue, sambyhyhakuéra omoapañuãi chupe, oñemosẽ Apple Computer ary 1985-pe.
Upémarõ Jobs ohepyme’ẽmba acciones oguerekóva, peteĩ oheja. Upe arýpe oñeme’ẽ chupe Medalla Nacional de Tecnología, ome’ẽva chupe Ronald Reagan.
Ary 1997 ojevy jey Apple-pe, upérõ ohasa asýva, oguereko apañuãi pirapire rehegua, ha upépe opyta isambyhyhárarõ 24 jasyporundy 2011 peve. Ambue arahakúpe Apple oñemotenonde Exxon rehe, oguereko haguére hetave pirepire ko yvyapeári.
Ary 1990-pe omoambue peteĩ empresa ojoguáva Lucasfilm-gui, ha ombopyahu ta’anga rehegua omyasãivo Toy Story. Ko mba’e omoĩ chupe tenondetépe Disney-pe, oguereko haguére hetave pirapire ha’eño. Ko ary omano haguépe ipirapire hetakue ohupyty 8.300 sua dolares ha omohenda chupe 110-pe umi hetave pirapire oguerekóva apytépe, omobe’uháicha kuatiapyre Forbes.
Avei hembiapo ombojoapývo Apple-pe ombopyahu industria musical rehegua: onohẽ  iPod ary 2001-me ha ary 2003-pe tienda online música ha iTunes rehegua, pokõi arýpe oñemu 10.000 sua purahéi ha oñemomba’e ha’eñoite música en línea rehe, ojehepyme’ẽva 0,99 dólar, purahéi oñemboguejýpe peteĩteĩ. Registro de patentes apytépe, Estados Unidos-yguápe, 317 patenetes oĩ Apple rérape.
Omano Palo Alto, California-pe, 5 jasypa 2011-me.
Ombohasa Matilde Galeano
Guarani ñe’ẽasahára

No hay comentarios:

Publicar un comentario