sábado, 7 de abril de 2012

Santo Domingo de Guzmán


8 jasypoapy: Santo Domingo de Guzmán
Aregua tavaitépe
Ojeromandu’áva 8 jasypoapy, ndaje heñói’akue ary 1170, oñemombe’u isy ikérape, ohecha’ypýmava’ekue imemby raperã.
Domingo marangatu ndaje voi oipyhy Hesukirito rape ha ha’éicha oiko hapicha  ñeikotevẽ rehe oĩramo ovy’áva ha’e ovy’a, oĩramo hasẽva ha’e hasẽ hendivekuéra.
Hese ae rupi ojeikuaa Santo Rosario ñembo’e  opa tenda ha’e ohohápe, oñepyrũ’ypy  mokõi Orden, Kuña rehegua ha ambuéva Kuimba’e rehegua.
Marangatu ra’anga rembiasa’imi
Aipo José Goigouru omyakãva Comisión Vecinal ogueruka  España-gui, Domingo de Guzmán ra’anga yga rupi, ndojeikuaái  mba’éichapa oikepa y oikepa yga ryepýpe ha oñapymi. Peteĩ karai hérava Manuel Hernández, oúva avei upe ygápe, ohecha peteĩ mba’e ovevúiva ýpe, ha oipyhy, upépe ojuhu Domingo de Guzmán ra’anga. Ha’e omoğuahẽ tavayguakuérape.
Upe ta’anga opyta Fleytas rogayguakuéra ndive. Oikorõguare Chaco Ñorairõ, Domingo de Guzmán Marangatu ra’anga, opyta Trinidad rogayguakuéra poguýpe, 40 ary pukukue, upéi oñepyrũ oratorio ñemopu’ã, opakuévo, upépe opyta.
Ko’áğa, oĩ mokõi ta’anga, michĩva oho ñembo’erã ogakuéra oĩva ijere rehe, ta’anga tuichavéva opyta oratorio-pe.
Katuete ymave, hi’ára ñemomorãme ojejapo arateĩme ha avei  ymave 4 jasypoapýpe hi’ára. Ko’áğa ho’ahápe hi’ára, arete, ha ojerohory 8 jasypoapy jave.
Porundy ára mbyve, oñepyrũ Novenario ichupe opakuévo, víspera jave serenata púpe ojegueraha tupãópe ojejapohápe chupe misa.
Hi’árape procesión ohasa tape ijeguakapáva piriríta, globo, ha yvoty rupi, maymáva omomaitei pañuelo morotĩme.
Misa guasu rire oiko sortija ha karuguasu. Avei ko’áğa rupi mba’e ipyahúva ha’e marangatukuéra ra’anga oúva omomaiteívo ichupe hi’árape.
Ymave Hermanas Dominicas ombosako’ímiva’ekue tembiapoita hi’ára jerohoryrã, ko’áğa oĩ comisión omba’apóva avei kyre’ỹme.
Ohembikuaareka ha ohai Matilde Galeano
Ñe’ẽasahára

No hay comentarios:

Publicar un comentario