sábado, 7 de abril de 2012

Rosa Peña de González


Rosa Peña de González

Heñói, Pedro Peña ha Rosario Guanes ha Don Carlos membýramo. Heñóiva’ekue Paraguay 1843-pe. Itúva, don Carlos ñemoña ağuíva ha omba’apo Administración del Estado-pe, ñe’ẽ joavy oguerekóva don Carlos ndive ogueraha chupe Río de la Plata-pe. Rosa Peña, opytávakue tyre’ỹme, omoirũ itúvape, tapicha omba’apo joavýva Don Carlos he’ívare ha upéi Mariscal ñeisãmbyhy rehe avei, marandu oñemoherakuãva kuatiahaipyre rupi, omboheraguapyhápe “El Ciudadano Paraguayo”.
Upe jave Rosa Peña oñehekombo’e hína Mbo’ehao “Huérfanas de la Merced-pe”, oguereko hağua upe rire kuatia’atã mbo’ehára rehegua. Ñorãirõ opa rire Rosa Peña ou jey ñane retãme ha omba’apo mbo’eháramo. E. Cardozo omombe’u osẽha mokõi kuña: Joaquina ha Rafaela Machaín peteĩ mbo’esyry omyakãva Rosa Peña táva Paraguaýpe, osẽ hikuéi Paraguái preceptoras peteĩháramo ñorãirõ rirepegua. Omenda Dr. Juan Gualberto González-re, ha’éva tapicha ojeikuaaitéva ñane retãme: Consejo de Educación Motenondeha; Ministro de Justicia, Culto ha Instrucción Pública, Gral. Caballero gabinete-pe, ary 1882 guive 1886 peve ha Tetã Mburuvicha ary 1890 guive 1894 peve.
Hembiapo: Ha’e oipytyvõetáva’ekue oñemopyenda hağua heta mbo’ehao okára gotyo ha avei ou jey hağua heta mbo’ehára oñemondóva Buenos Aires-pe, ijapytépe oĩ: Adela ha Celsa
Speratti, Atanasio C. Riera, Manuel A. Amarilla, Estanislao Pereira. Rosa Peña avei oipytyvõ oñemopyenda hağua Asilo Nacional oipy’apýgui chupe tapichakuéra oikundaháva tapekuéra rupi. Jasypoteĩ 1894-pe, mokõi jasy omohu’ã mboyve tetã ñeisãmbyhy Mburuvicha González oñemondo Buenos Aires-pe ha omoirũ chupe hogayguakuéra.  Imembykuéra ha’e: Juan, Laura ha Celina Peña. Omano, ary 1899-pe. He’ongue ojegueru jey ñane retãme ary 1941-me ha oĩ Recoleta mausoleo-pe.
Ombohasa Guaranime Lic. Maria Eugenia Aguiar

No hay comentarios:

Publicar un comentario