viernes, 6 de abril de 2012

Catedral de San Lorenzo.


CATEDRAL SAN LORENZO.
Oguereko estilo gótico, neogótico, ary 1915-pe oñemoĩ piedra fundamental, ha 1917-me, oñeñepyrũhápe tembiapo tupão ñemopu’ã rehegua, oğuahẽ ñorãirõ bolikuéra ndive ha oñemopa’ũ tembiapokuéra. Omyakã tembiapo atypegua pa’i Saturnino Rojas. Oĩ arquitecto-ramo Luis Navarro, ha Aloy Frey ha’e pe máva oñangarekóva ojejapo porã hağua tembiapokuéra. Ary 1954-pe, oñemoĩmba ogypy ha okẽnguéra, ojejapo inauguración ary 1968, ha upérõ ojejapo misa solemne pa’i omano haguére ha oñeñotỹ catedral-pe. Pa’i Saturnino Rojas ha’e kuri upe omoheñóiva’ekue estilo gótico ko tupão iporãitévape ğuarã. Ojehecharamóva Amérika ha opa ambue tetãgui oúva oikuaávo ko tenda. Itapu oguerekóva ko tupão ha’e upe Don Carlos A. López oguerukáva’ekue ñane retãme ğuarã ha oñembopyahu rire Paraguaygua, upéva ojegueru táva San Lorenzo-pe ğuarã, ary 1884-pe.
Heta ary ndaipuvéi noñeñangarekóigui hese, 23 jasypoapýpe oñemyatyrõ rire ipu jey upe árape. Haimete 150 ary upe riréma.

No hay comentarios:

Publicar un comentario