Paul McCartney

Paul McCartney rekove rembiasa

James Paul McCartney, heñói Liverpool, Inglaterra-pe 18 japoteĩ 1942-me,  puraheihára ombopukuaa hetáichagua mba’epu, avei empresario, puraheihára, purahéi apokuaahára, ha oĩ peteĩ aty oñangarekóva mymbakuérare. Ary 1957-pe oĩ aty The Quarrymen, upéi oike ombopu The Beatles ndive ary 1960 guive, pa ary oĩ upépe, ary 1970 peve, upéima oñemboaty Wings ndive ary 1971 guive, 1981 peve, McCartney ha’e pe itenondevéva purahéi apokuaápe tembiasa pukukue javeve, péicha oĩ Libro Guinness de los récords-pe.

McCartney ojeikuaa The Beatles ndive oĩ haguére, John Lennon, George Harrison ha Ringo Starr ndive. McCartney ha John Lennon oñondive ohai puraheikuéra ojeikuaavéva rock apytépe, ko’ã mokõicha ne’írã ojehecha. Oheja rire The Beatles, McCartney omba’apo ha’eño, upéima ojapo aty Wings hembireko ypykue ndive, Linda Eastman ha puraheihára Denny Laine. McCartney oĩ Libro Guinness de los récords puraheihára ha purahéi apokuaahára itenondevéva música popular apópe, 60 discos de oro ha y 100 millones de sencillos oñemúva Reino Unido-pe.

BBC News Online ombohéra McCartney-pe purahéi apokuaahára tuichavéva ko

milenio-pe, ha BBC News he’i purahéi “Yesterday” ha’e purahéi ojepurahéi hetavéva, 2.200 ha hetave opurahéi, oñembopu 7.000.000 jey ta’angambyry ha puhoe rupive EEUU-pe. McCartney ojapo purahéi películas-pe ğuarã, pumbasy clásica ha electrónica, ha omba’apo atykuéra ndive oipytyvõ hağua organizaciones benéficas internacionales-pe. Ohayhu mymbakuérape, ndokarúi so’o, avei omba’apo avei ojeipe’a hağua minas terrestres, ani hağua ojejuka focas, ha Tercer Mundo pytyvõme. Ohayhu fútbol ñeha’ã, McCartney oĩ umi tapicha ipirapire hetavéva aty apytépe Reino Unido-pe. 

Ombohasa Guaranime Dra. Matilde Galeano de Aguiar.