Biblioteca Municipal de la ciudad de San Lorenzo

ARANDUKAKOTY VIRIATO DÍAZ PÉREZ

Viriato Díaz Pérez hára arandukakoty, oisambyhýva kuñakarai Juana de Velázquez. Oñemoñepyrũkuri 8 jasypoapy 1975, oipytyvõ mbarete ko tembiapo oñembosako’i hağua capitán Juan Speratti. Ha’e karai arandu, oĩva Club de Leones-pe, avei oipytyvõva, ha  Municipalidad ha’e upe omoañetáva ko tenda.

Péicha opavave mitãrusu ha kakuaáva, avei mitãnguéra ikatu ojuhu hetáichagua marandu oikotevẽva ha oikuaave hağua ñande táva rehegua.

Ko Arandukakoty ára ha ára oguereko temimbo’e ohóva oipuru marandu oĩva upépe, haimete 100 temimbo’e rupi, oĩvove aranduchauka ohupyty 300 rupi, umi ohóva. Pe tenda oĩhápe michĩ upéicha jave. Upévare imbegue upe jeike, oñeha’ãrõ manteva’erã, oñemoĩvoi aravo upévarã.

Omombe’u ñangarekohára, Juana de Velázquez, ko’ápe ou temimbo’ekuéra, Ñemby, Luque, Capiata ha Fernando de la Mora, peichahágui oĩ oúva Ita, Guarambare ha Villeta-gui avei, ã tenda imombyrýma ha peichavérõ katuete oñeipytyvõ avei chupekuéra.

Ko’áğa rupi ojeguereko haimete 6000 aranduka, ha upéva omohenda porãiterei ko arandukakotýpe umi okarayguáva apytépe. Oğuahẽvo arahaku ha ojepytu’u mbo’ehaópe, ko’ápe ou umi oñembokatupyrýva oike hağua aranduveópe, taha’e avei upéicha umi oĩmava voi upépe ha oikotevẽ arandukakuéra rehe.

Ko’áğa rupi temimbo’e mbo’ehaopegua ndaikatuvéi oikénte arandukakoty Universidad Nacional de Asunción-peguápe.

Avei ko’áğa rupi ojehecha oĩ aranduveo ipyahúva, tuicha oñemoherakuã, oguereko haguére polideportivo ha internet, ha katu sa’i aranduka oguereko iñarandukakotýpe ha upévare temimbo’ekuéra ou ko arandukakotýpe ojeporeka hağua marandu rehe.

Ombohasa Guaranime Matilde Galeano de Aguiar.