Ciclovia de la ciudad San Lorenzo

PARQUE CICLOVÍA DE SAN LORENZO

Parque Municipal ha Ciclovía táva San Lorenzo-pegua, oñepyrũ ojeipuru 10 jasypoapy ary 1999-pe, upérõ ou tendotakuéra heta táva oĩva ijerégui upe tembiaporã, avei gobernación ha gobierno central-pegua oñepepirũ oĩ hağua upe árape.

Hetaiterei tapicha tuicháva ha michĩva, ogayguakuéra ohopa oñondive, ojapo hağua

aerobismo, gimnasia, jeguata, téra ovy’a hağua bicicleta ári, ko’áğa Municipalidad ojapo hetaichagua mba’e pyahu, oĩ mba’yru ikatuhápe oñeikundaha yno’õ oĩva ciclovía korapýpe. Avei mbo’eharakuéra oho hemimbo’ekuéra ndive oikuaávo upe tenda, oĩ heta yvyramáta, ype, ganso, tenda jekarurã, ha ñembosaráirã tuichaiterei.

Areteguasúpe oiko kavaju ñani, ha concierto. Ko tenda ojepyso Ruta Mcal Estigarribia ha Avda Mcal López mbytépe, 880 mts ipukukue, ha 2300mts tuichakue, yvate guive oha’anga papy poapýpe.

Ykua Laurel omohembe’y ha hi’y ho’a yno’õ oĩva ciclovía ryepýpe, kuarahyresẽ gotyo oĩ ysyry San Lorenzo, korapy pukukue, kuarahyreike gotyo oĩ ka’aguy’i Campus Universidad Nacional de Asunción mba’éva. Yvyturo’ysã gotyo Ruta Mcal Estigarribia ha Yvytyaku gotyo katu Avda Mcal López.

Oguereko ko tenda ijojaha’ỹva oguereko mba’yru opyta hağua jarakuéra oho aja oguata. Ko’áğa oguereko ojeike hağua Ruta Mcal Estigarribia rupi, ha ambue oĩmava’ekue voi ha’éva jeike tape Sargento Silva rupi, ambue tape España rupi, ha ambue katu tape Avda Mcal López.

Mba’e pyahu avei ko’áğa oguerekóva ha’e umi ava ha kuña poravopyre ra’anga, oñembohysíva peteĩ guataha oĩhápe.