Biografia de Manuel de Ortiz Guerrero

MANUEL ORTIZ GUERRERO.

Heñói Villarrica, Yvaroty, 16 jasypokõi 1897-pe. Ñe’ẽpapára omotenondéva avei ñe’ẽporãhaipyre corriente moderna rehegua. Manú ojehero, hi’otĩ ha omoñemoha’eño, ou ojapopa iñemoarandu Colegio Nacionel de la Capital-pe ha isasõ jave omba’apo omyasãi hağua upepegua Revista del Centro Estudiantil ha ipype iñe’ẽpoty’ypy, upégui ñe’ẽhaipyre Paraguaygua oñepyrũma ohecharamo hembiapo, upéicha omombe’u Arturo Alsina.

Oiko peteĩ ogakuépe ha araro’y vove peteĩnte ikatu oke ha ambuéva opáyvo oñeno ambuéva oguerekógui peteĩ frazada-nte hikuéi, ko jeiko asy opyta Manú korasõkuápe ha upéva katuete oñandu ijehai rupi taha’e castellano-pe térã guaraníme.

Ñe’ẽpotykuéra ohaíva guive haimete opavavégui oiko guarania, purahéi omoheñóiva’ekue José Asunción Flores.

Ñe’ẽpoty jehai ha mbaraka ñembopu añónte pe ha’e oikuaáva, peteĩ jey ndaje oguevívo hogakuemíme hikuéi ohendu mba’éichapa kuñanguéra imemby ndive hasẽ asýva hikuáimante ha upévagui oñepyrũ ohesa’ỹijo ha omoheñói upe purahéi kangy asy ha iñembyasýva ha’éva ñande guarania ojehecharamoitéva ko yvy ape ári. Arte-gui ha’e oikove, ohai peteĩ máquina de escribir-pe nde tujapajepéva ha upéi osẽ ohepyme’ẽvo ojuhu peve máva ojoguáva ichugui.

Imba’asy oguerekovaígui ichupe ha’e heko ha’eño ha hasýpe ojogua peteĩ imprenta ha péicha heñói Editorial “Suruku’a”. Omano Paraguay 1933-pe, hembiapokuéra apytépe oĩ: “La Loca” ha’éva ñe’ẽpoty ojekuaavéva. Ohai heta aranduka, umíva apytépe oĩ: “Surgente”, “Nubes del Este”, “Pepitas”, “Ne rendápe aju”, “Panambi Vera”. Ha ñoha’anga apytépe katu ohai comedia “Eirete”, “La conquista” ha “El crimen de tinta lila”.

Patronato de Leprosos del Paraguay omoapysẽkuri peteĩ arandukápe opavavete hembiapokue.

 

Ohai Prof. Dra. Matilde Galeano de Aguiar.