Biografia de Eloy Fariña Nuñez

ELOY FARIÑA NÚÑEZ.

Heñói Humaita 1885-pe, tenda henyhẽva jehasa asy Ñorãirõ Guasu rire ha upéva ojehechakuaa avei hese. Upeichavérõ okakuaa Itatĩ, Corrientes-Argentina-pe. Oike oñemoarabdu Seminario Paranapegua, Entre Ríos-pe. Oñemoarandu Cultura Clásica, Filosofía, Griego, Latín ha Lenguas Modernas-pe; upéguio oho Buenos Aires-pe ha oñemoangirũ Leopoldo Lugones ndive, hendive omoñepyrũ Modernismo ñe’ẽporãhaipyrépe. Ha’ekuéra omopyenda upe corriente ha omoheñói canto secular, ohaíva omomorãvo Centenario de la Independencia ha ipype oheka omohu’ã jey hağua tetãrayhu. Ohai avei ñe’ẽpoty, ñoha’anga, ensayo ha periodismo-pe ğuarã castellano ha guaraníme.

Argentina-pe oikuave’ẽ ichupe oñemopyenda porãve hağua Administración Nacional-pe tomboyke hetãrekotee ha toñembokurepi, ha’e upéva ombotove oguerekógui tuicha tetãrayhu ñane retãre.

Upérõ avei iñapysẽ hembiapokuéra ha ijavegua ha’e Alejandro Guanes, Fulgencio R. Moreno, Manuel Gondra ha ambue.

Hembiapokuéra apytépe oĩ: “Canto Secular” ha’éva ñe’ẽpoty ipukuvéva ñe’ẽporãhaipyre Paraguaigua apytépe, “Las Vertebras del Pan” ha’éva mombe’urã, “Rapsodia”, “Carmenes”, ohai ñoha’anga hérava “El Santo”, “El Soñador” ha “Entre naranjos y cocoteros”, umíva upe ojekuaavéva, “Mitos Guaraníes” “Oda Heróica” ohaíva Silvio Pettirossi-pe ğuarã. Omano Buenos Airews 1929-pe. Hembiapokuéra apytépe oĩ hembiapo ndojeikuaáiva naiñapysẽigui.

 

Ohai Prof. Dra. Matilde Galeano de Aguiar.