Biografia de Josefina Plá

JOSEFINA PLÁ.

Heñói Isla de Lobos, Isla Canarias, España-pe. Ary 1924-pe oikuaa Andrés Campos Cervera-pe ha omenda hese ñokõĩ ary rire, péicha rupi oikuaa ñane retã ha omomba’eguasu ichupe omano meve.

Ary 1926 ou Paraguáipe, ha oñeñandúma voi Paraguái membýramo; ohai heta ñe’ẽhaipyrépe ğuarã ñe’ẽpoty, marandu mbykymi ha avei aranduka ñe’ẽporãhaipyre rehegua. Omano Paraguaýpe 11 jasyteĩ 1999-pe.

Hembiapokuéra apytépe oĩ irundypa ñe’ẽpoty, mombe’urã ha ñoha’anga, avei Paraguái rembiasa ava aty ha hembiapo, tembiapo jegua, tembiapo mbosa’y rehegua ha avei crítica. Ã mba’ére ojeguereko chupe Paraguái cultura pysyrõháraramo.

Hekove pukukue oñeme’ẽ chupe premios, galardones ha nominaciones, péicha oĩ peteĩva he’ihápe “Dama de Honor de la Orden Isabel La Católica”, oĩ avei “Academia Internacional de Cerámicas-pe”, “Mujer paraguaya del año 1977”, “Dra. Honoris causa” 1981 ome’ẽva ichupe Universidad Nacional hetãmegua, “Medalla del Ministerio de Cultura de San Pablo” 1979-Brasil-pe, “Trofeo Ollantay” ome’ẽva chupe CELCIT, ojapohaguére tembikuaareka ñoha’angápe, ome’ẽva chupe Venezuela, “Miembro Correspondiente de la Real Academia Española de la Historia” 1“Medalla del Bicentenario de la OEA” ha “Orden Nacional del Mérito”, grado de Comendador ary 1994-pe.

Tembiapojegua ojapóva ñai’ũgui ko’áğa ojeguereko Museo de la República-pe ha avei pinturas omoha’angahápe ñande ypykuérape.

Roque Centurión Miranda ndive ohai “Episodios chaqueños”,  “Aquí no ha pasado nada”, “Desheredados” ha “Víctima propiciatoria” ha’éva ñoha’anga peteĩha ha’eño ohaíva’ekue. Ary 1976-pe peteĩ ñoha’anga ojekuaa’ỹva “Hemano Francisco, un revolucionario del amor”, omoñoha’anga Rudi Torga ha ijaty, ojehecharamóva ñesambyhy ñoha’angahára, escenografía ha luminotecnia rehe. Radio Charitas-pe osẽ ojehecharamovévaramo mbohapy hembiapo hérava “Fiesta en el río”, “La cocina de las sombras” ha “Las ocho sobre el mar”.

 

Ohai Prof. Dra. Matilde Galeano de Aguiar.