Teresita Pesoa

TERESITA PESOA

 Heñói ary 1945-pe, ha ary 1955 guive oike oñemoarandu ñoha’angápe  Escuela de Arte Escénico Municipal-pe oisambyhýva Roque Centurión Miranda, peteĩ ary rire ojapo ñoha’anga Roque Centurión Miranda ha Josefina Plá ndive hérava “Tuju”. Upe arýpe avei ojapo ñoha’anga “Karu Pokã” Julio Correa mba’éva, upéi ñoha’anga héra “Casilda” ha oisambyhy ichupe Centurión Miranda.

Pa ary pukukue oĩ Washington Ramírez atýpe ha hendive ojapopaite ñoha’angakuéra Julio Correa mba’éva ha ohupyty tenda yvatevéva ojapórõguare ñoha’anga “Mbokaja ha’eño” Néstor Romero Valdovinos mba’éva.

Ohupytývo 25 ary ñoha’anga apópe ojapo i-compañía teatral-tee ha omoñoha’anga “Tekojoja”, “Preso sã mbuku”, “Ñorãirõ opa rire”, Escobar Cantero rembiapokue, poteĩ ary rire ijaty isarambi ndoguerekóigui pirapire.

Oñomoirũ upe rire Moliniers ha Romero Cueto ndive ha avei autores asociados ndive ojapo ñoha’anga hérava “Tribunal’i”.

Teresita Pesoa he’i teatro ikatuha oñemboja’o popular ha clásico-pe; popular ha’e ojehechauka vove ñande rekotee ñane ñe’ẽ guaraníme térã joparápe ha clásico katu, literatura universal-pegua, ojapóva’ekue ha’e peichagua oĩrõguare Escuela de Arte Escénico-pe ha ichupe ğuarã sambyhyhára poravopyre Paraguái ñoha’angápe ha’e Roque Centurión Miranda.

Ohai Matilde Galeano