Dia del Idioma Guarani. Fundamento

GUARANI ÑE’Ẽ ÁRA
Peteĩ ára 25 jasypoapýpe niko Constitución Nacional 1967-peguare, omopyenda ÑANE ÑE’Ẽ GUARANI, castellano ykére, oiko chugui Idioma Nacional. Ha péicha rupi 25 jasypoapýpe jaromandu’a ñane ñe’ẽtee ára.
Heta ary ohasa rire oiko Convención Nacional Constituyente, ojejapo jey hağua peteĩ Constitución pyahu, ha péicha ary 1992-me iñapysẽ Constitución pyahu he’ihápe:
Artículo77º: “Mitã iñehekombo’e ñepyrũme ojejapova’erã iñe’ẽteépe. Oñehekombo’éta oikuaa ha oipuru hağua mokõive ñe’ẽ tetãmegua. Umi aty imbovyvéva, Guarani ndaha’éiva iñe’ẽtee ikatúta oiporavo peteĩ ñe’ẽ mokõive ñe’ẽ apytégui”.
Artículo 140º: “Paraguay retã hembiapokuaaita ha iñe’ẽkõi. Guarani ha Castellano ha’e iñe’ẽtee. Léi he’íta mba’éicha oñembohekóta mokõive ñe’ẽ. Ñande Ypykuéra ha ambue aty’i ha’e Paraguáy mba’eaty rembiapo”
Ley de Lenguas omopyenda porãve ñane ñe’ẽ Secretaría de Políticas Lingüisticas rupive ikatuhağuáicha opavave oipuru oikotevẽháicha ha avei oñemotĩ’ỹre oñe’ẽ haguére ñane ñe’ẽ porãite.
Corte Suprema péina ko arapokõindýpe onohẽ resolución he’ihápe oñembokuatiátama juicio-kuéra ojehaikuévo mokõive ñe’ẽme.